Aksident tragjik në Fushë-Krujë, humb jetën 23-vjeçari

Aktualitet

Aksident tragjik në Fushë-Krujë, humb jetën

Një aksident tragjik është shënuar në aksin rrugor Fushë-Krujë–Tiranë, në afërsi të fshatit Larushk, ku një 23-vjeçar me shtetësi egjiptiane ka humbur jetën.

Sipas të dhënave paraprake, një automjet tip “Audi”, me drejtues një 18-vjeçar me inicialet M.S., dyshohet se është futur në një parakalim të gabuar.

Për të shmangur përplasjen, drejtuesi i një automjeti Volkswagen ka devijuar, duke përfunduar i përplasur me barrierat anësore të rrugës. Si pasojë e aksidentit, ka humbur jetën në vend pasagjeri i automjetit, shtetasi egjiptian me inicialet E.A., 23 vjeç, i cili, sipas informacionit paraprak, punonte si mekanik në kompaninë e 18-vjeçarit.

Në vendngjarje kanë mbërritur shërbimet e emergjencës dhe grupi hetimor. Gjatë rrugës për në Tiranë, në afërsi të kryeqytetit, autoambulanca që transportonte të plagosurin është përplasur me një mjet tjetër.

Fatmirësisht, mjekët dhe i plagosuri nuk kanë pësuar dëmtime. I plagosuri është marrë nga një autoambulancë e Kamzës dhe është transportuar drejt Spitalit të Traumës, ndërsa stafi mjekësor i autoambulancës nuk ka pësuar dëmtime.

Krujë/Informacion paraprak

Më datë 01.10.2026, rreth orës 16:50, në aksin rrugor Tapizë–Fushë-Krujë, në vendin e quajtur “Arrameras”, është përplasur automjeti me drejtues shtetasin K. C, rreth 44 vjeç, me automjetin me drejtues shtetasin M. S, rreth 18 vjeç.

Si pasojë e aksidentit, është dëmtuar drejtuesi i automjetit, shtetasi M. S, i cili ndodhet në spital, jashtë rrezikut për jetën, ndërsa pasagjeri në automjetin e tij shtetasi egjiptian E. A, rreth 22 vjeç, ka ndërruar jetë.

 Grupi hetimor po punon për zbardhjen e rrethanave dhe shkakut të aksidentit.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion