Sateliti i pakontrolluar bie sot në Tokë pas 30 vitesh në orbitë

Një satelit i pakontrolluar do të futet në atmosferën e Tokës të mërkurën pas gati 30 vitesh në orbitë.

Sateliti evropian, i njohur si ERS-2, pritet të ndahet në copa shumica e të cilave do të digjen.

Sateliti do të ketë një renie "natyrore", duke u zhytur nëpër atmosferë, që do të thotë se koha dhe vendndodhja e saktë janë të vështira për t'u parashikuar.

Në parashikimin e saj më të fundit, Agjencia Evropiane e Hapësirës parashikoi se sateliti do të rihynte në atmosferën e Tokës në orën 15:49 të së mërkurës.

Sateliti pritet të jetë mbi Oqeanin Paqësor, por një distance pasigurie prej më shumë se tre orësh do të thotë se mund të jetë në një pikë tjetër në orbitën e tij kur të fillojë të digjet.

Kur u lëshua në 1995, ERS-2 "ishte anija kozmike më e sofistikuar e vëzhgimit të Tokës, e zhvilluar dhe nisur ndonjëherë nga Evropa", sipas ESA, dhe revolucionarizoi të kuptuarit për krizën klimatike.

“Ai na ofroi njohuri të reja mbi planetin tonë, kiminë e atmosferës sonë, sjelljen e oqeaneve  dhe efektet e aktivitetit të njerëzimit në mjedisin tonë,” tha Mirko Albani, kreu i programit hapësinor të trashëgimisë ESA.

Sateliti u tërhoq në vitin 2011 dhe ESA vendosi nderhyrjen per te zvogëluar mundësinë e një përplasjeje me një tjetër sondë.

Fotot e satelitit që bie në drejtim të atmosferës u publikuan nga ESA të hënën, citon lajmifundit.al. Imazhet janë marrë midis 14 janarit dhe 3 shkurtit, kur ERS-2 ishte ende në një lartësi prej më shumë se 300 km (186 milje).