Tjetër incident! Tifozët serbë djegin flamurin e Kosovës, pasi e hoqën nga Kongresi i UEFA-s!

Një skandal tjetër është shënuar në Serbi, pas heqjes së flamurit të Kosovës në vendin ku do të zhvillohej kongresi i 49-të UEFA-s të mbajtur në Beograd.

Në një video në rrjetet sociale, tifozët e skuadrës serbe, Crvena Zvezdës, të njohur me emrin “Delije” shihen duke djegur flamurin e Kosovës para sallës së kongresit të UEFA-s.

Lidhur me vendosjen fillimisht të flamurit të Kosovës në vendin ku do të mbahej kongresi dhe më pas heqjen e tij, Federata e Futbollit e Serbisë, u kërkoi falje gjithë qytetarëve serbë, siç tha për “lëshimin” e bërë të mërkurën mbrëma.

Ndërsa, përmes një deklarate publike, i siguroi qytetarët serbë se i ka hequr simbolet e Kosovës nga Kongresi i UEFA-s.