Tensione gjatë ndeshjes Tirana-Kastrioti, arrestohen presidenti dhe drejtori i klubit të futbollit

Dy persona jane arrestuar nga policia e Tiranes me akuzen se kane hyre ne fushen e futbollit kur po luhej ndeshja mes Tiranes dhe Kastriotit duke shkaktuar tensione, incidente dhe akte dhune.

Njoftimi i policise: Specialistët për Hetimin e Krimit në Komisariatin e Policisë Nr.2 bënë arrestimin në flagrancë për veprat penale “Kundërshtim i punonjësit të policisë së rendit publik” e kryer në bashkëpunim, dhe “Veprime të dhunshme në aktivitete sportive” të kryera në bashkëpunim, të shtetasve :

-A. V., 34 vjeç, Presidenti i një ekipi futbolli ;

-G. V., 32 vjeç, Drejtor Teknik i një ekipi futbolli.

Arrestimi i këtyre dy shtetasve u bë pasi ditën e djeshme në rrugën “Sulejman Delvina”, tek stadiumi “Selman Stërmasi”, gjatë zhvillimit të ndeshjes Tirana – Kastrioti, këta shtetas në bashkëpunim me njëri tjetrin, kanë hyrë në fushën e lojës duke shkaktuar tension dhe ndërprerjen e ndeshjes për disa minuta dhe më pas kanë goditur dy punonjës policie për të shmangur shoqërimin e tyre.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.