Shënoi gol dhe mbuloi mesfushën, futbollisti i Kombëtares shqiptare më i miri në fushë

Shqipëria barazoi në frymën e fundit përballë Kroacisë me rezultatin 2-2, në një takim të mbushur me emocione nga fillimi e deri në sekondën e fundit.

“Flashscore” ka publikuar notat e ndeshjes dhe më i miri ishte padyshim Qazim Laçi.

Mesfushori i Kombëtares shënoi golin e parë të takimit dhe gjithashtu mbuloi mjaft mirë mesin e fushës, duke marrë notën 8.3.

Klaus Gjasula, i cili shënoi autogol, por dhe golin e dytë të Shqipërisë u vlerësua me notën 6.7, ndërsa Hysaj me notën më të ulët, 6.2, citon top channel.