Kompeticioni i më të mëdhenjve mirëpret 4 debutues, kush janë surprizat e edicionit

Të paktën katër klube do të bëjnë paraqitjen e tyre të parë historike në Champions League këtë sezon.

Katër debutuesit janë Como, LASK, Viking dhe Sabah, të cilët siguruan vendin mes 36 klubeve që do të garojnë në fazën e ligës pas përfundimit të raundeve kualifikuese.

Como arriti ta mbyllë kampionatin në top-katërshen e Serie A dhe do të përfaqësojë Italinë në këtë kompeticion krah Interit, Napolit dhe Romës. 

LASK preu biletën për në fazën e ligës pas një fitoreje të jashtëzakonshme 5-1 kundër Celtic në ndeshjen e kthimit të ‘play-off’-it, duke siguruar kualifikimin me rezultatin e përgjithshëm 5-4.

Sabah, nga ana tjetër, avancoi pas fitores 5-2 ndaj Hapoel Beer-Sheva në kohën shtesë, duke e mbyllur përballjen me rezultatin e përgjithshëm 6-4. 

Ndërkohë, Viking do t’i bashkohet ekipit tjetër norvegjez, Bodø/Glimt, në Champions League për këtë edicion. 

Të katërta klubet tashmë po përgatiten për të përjetuar për herë të parë emocionet e kompeticionit më të madh evropian për klube.