Zhaklin Lekatari përplaset me Mërtirin për fetë: Kush je ti që më tregon mua çfarë të besoj?

Aktivistja Zhaklin Lekatari e ftuar në emisionin “Top Story” me moderatoren Grida Duma në Top Channel foli për besimin e shqiptarëve në fe dhe gjatë argumentimit të saj pati edhe një debat me studiuesin Ergys Mërtiri.

Lekatari tha se vetëm 3% e shqiptarëve janë të deklaruar si praktikues të fesë së tyre ndërsa tha se duhen parë edhe anën e errët të feve, të cilat sipas saj mund të jenë edhe një e keqe e madhe.

“3% e shqitparëve janë deklaruar si praktikantë. Atë aktrimin nga komunizmi e kemi trashëguar edhe sot si nëbesim apo mosbesim në fe. Ne flasim sesa na mbush me dashuri besimi në Zot por nuk flasim për anën e errët të feve. Për mënyrën sesi e kanë ndikuar jetën tonë.

Mendoj se fetë mund të jenë një e keqe e madhe. Kanë të mirat e veta por kanë edhe të këqijat e veta. Nuk mendoj se vlerat morale duhet t’i kem të trashëguara nga feja. Mendoj se në qendër duhet të jetë jeta, jo Zoti apo feja”- tha Lekatari.