U vërtetua që nuk ka konsumuar drogë, grupi italian thumbon Francën (Foto)

Rezultatet e testit të drogës dolën negative dhe grupi italian “Maneskin” po feston për herë të dytë. Ka ardhur reagimi i anëtarëve të këtij grupi, për rezultatet, duke thumbuar kështu Francën. Kjo e fundit kërkoi kualifikimin e grupit italian nga Eurovisioni, pasi u akuzuan për konsumim drogë live në festival.

“Pas akuzave për përdorim droge në Dhomën Jeshile në Eurovision Song Contest në finalen e madhe në 22 maj, EBU, siç u kërkua edhe nga delegacioni italian, ka kryer një rishikim të plotë të fakteve, duke kontrolluar të gjitha pamjet në dispozicion. Gjithashtu këngëtari i grupit Maneskin mori vullnetarisht një test ditën e sotme, që ka rezultuar negativ, i parë dhe nga EBU”, thuhet në deklaratën zyrtare të organizatorëve të festivalit europian.

 “Zitti e Buoni renditet e 9-ta në listën botërore të Spotify. Është kënga italiane më e dëgjuar, diçka e tillë nuk ka ndodhur kurrë. Siç ju thamë, Rock’n’Roll nuk vdes kurrë”, shkruan grupi në një postim, menjëherë pas rezultatit zyrtar.