Përplasja me Milaim Zekën në emisionin e shkuar, Olta Gixhari nuk shkon si opinioniste te Big Brother

Olta Gixhari, një nga opinionistet më të komentuar të Big Brother VIP Kosova, ka njoftuar mungesën e saj në emisionin e sotëm për shkak të problemeve shëndetësore.

Ajo, e cila shpesh prodhon debate të forta dhe analiza të drejtpërdrejta që ndajnë publikun, nuk do të jetë në studio këtë mbrëmje. Një gjë e tillë ndodhi në puntatën e fundit, kur ajo debatoi me homologun, Milaim Zeka për shkak të një postimi në rrjetet sociale në lidhje me një nga banoret në shtëpi.

Në Instagramin e vet, Olta ka ndarë gjendjen e saj duke shkruar: “Jam me temperaturë, prandaj nuk munda. Po i ndjek kolegët.”

Kjo mungesë e saj është ndier nga publiku dhe fansat që e konsiderojnë atë një nga zërat më të spikatur në panelin e opinionistëve. Me siguri, në rrjetet sociale janë shumë ata që i kanë uruar shërim të shpejtë dhe e presin me padurim rikthimin e saj në ekran.