Vlerësimi i Dumanit nga DASH/ Ngjela: Nder i madh për Shqipërinë

Avokati Spartak Ngjela ka reaguar për vlerësimin e Altin Dumanit nga DASH, si një ndër 10 kampionët globalë të luftës ndaj korrupsionit.

Ngjela shkruan në rrjetet sociale se ky vlerësim i Dumanit është gjithashtu një nder i madh për Shqipërinë dhe shqiptarët.

Ai deklaron se është një vlerësim i madh edhe për të ardhmen në rrugën e pastrimit të korrupsionit shtetëror.

“Sekretari i Departamentit të Shtetit të SHBA, Antony Blinken, i dha sot prokurorit Altin Dumani çmimin: Kampion në Luftë Kundër Korrupsionit.

Një nder i madh për Shqipërinë dhe shqiptarët, kudo ku ata janë.

Ky ështe një vlerësim i madh për Shqipërinë dhe të ardhmen e saj në rrugën e pastrimit të korrupsionit shtetëror”, thekson avokati.