Mikela Pupa zbulon për herë të parë të dashurin, momenti kur e telefonon në mes të emisionit…

Mikela Pupa është një personazh mjaft i komentuar dhe i pëlqyer në median shqiptare. E njohur fillimisht nga pjesëmarrja e saj në “Për’puthen”, më pas Mikela u bë pjesë e një prej shtëpive më të famshme në Shqipëri, BBV, ku së bashku me Efin, ishin si një konkurrent i vetëm.

Para disa kohësh, Mikela ka pranuar publikisht se është duke shijuar një lidhje të re dashurie, për të cilën shpesh herë është shprehur se ndihet shumë e lumtur.

Mikela ka treguar se djali me të cilin është e dashuruar dhe ka nisur bashkëjetesën, nuk është personazh publik por që i përket fushës së artit. Pupa ka treguar se nuk dëshiron ta bëjë publike fytyrën e të dashurin pasi vet ai nuk e do këtë gjë.

Mirëpo, ditën e djeshme, Mikela ka qenë e ftuar në programin “Mos i bjer me top”, rubrikë e drejtuar nga Ronaldo Sharka, ku jo vetëm ka shprehur dashurinë për partnerin e saj por njëkohësisht ka zbuluar edhe portretin e tij.

“Të dua shumë dhe je njeriu më i rëndësishëm i jetës sime. Falenderoj Zotin çdo ditë që fle dhe zgjohem krah teje! Do të të dua gjithë jetën”, është shprehur Mikela, në momentin që e ka telefonuar “live” në emision të dashurin e saj.