“Bën strategji për të ndarë Muratin nga Sindi”, Ana thumbon konkurrenten e re të “Për’puthen”

Ola Zenelaj është konkurrentja e re e “Për’puthen”. Që në hyrjen e saj, ajo u duk se ka hyrë aty për të trazuar paksa ujërat. E në fakt ashtu ndodhi, pasi “përçau” çiftin Sindi-Murat.

Konkurrentja e re zhvilloi takimin e parë me Muratin ku u panë shumë të afërt me njëri-tjetrin, aq sa situata e këtij të fundit me Sindin agravoi.

Ndërkohë ditën e djeshme u transmetua takimi i dytë i Olës dhe Muratit, ndërsa Mevlani e komentoi afrimitetin e Olës si strategji për të ndarë Muratin dhe Sindin.

E mesa duket të njëjtin mendim si Mevlani, ka edhe ish-konkurrentja e emisionit, Ana Kauri. Kjo e fundi ka lënë një koment në faqen publike të “Për’puthen” në “Instagram”.

“Mevlani mendon se Ola bën strategji, për të ndarë Muratin nga Sindi.”- shkruhej në video, ndërsa Ana Kauri ka mbështetur mendimin e Mevlanit, duke u shprehur se tashmë ka nisur t’i kuptojë të gjitha dhe askush s’ia hedh dot më.

“Është bërë mjeshtër Mevlan Shaba, nuk ia hedh dot më njeri.”- ka shkruar Ana, duke hedhur kështu një thumb për konkurrenten e re.