Protestuesit dëmtojnë statujën e “Lahutës së Malësisë” në Lezhë

Protesta në Lezhë ka degraduar në akte vandale, ndërsa protestuesit kanë prishur statujën e “Lahutës së Malësisë” në qendër të qytetit.

Pamjet janë ndarë në Facebook nga deputeti socialist i Lezhës, Admir Kadeli. Kadeli u ka bërë apel të rinjve që të mos shkatërrojnë qytetin, ndërsa protestojnë.

Reagimi i plotë:
Po të ishte "Lahuta e Malcís” një iPhone, dyshoj shumë se do ta thyenin e do ta shkelnin me këmbë kështu!

Ju lutem, ju lutem, motra e vëllezër: 
protestoni, por mos shkatërroni!

Mos e dëmtoni qytetin tonë, qytetin tuaj! 
Është shtëpia jonë e përbashkët”, shkruan deputeti socialist, Admir Kadeli.