Protestat në Tiranë, dëmtohet në kokë një vajzë! Dyshohet se u godit nga bombola e gazit lotsjellës

Një vajzë e pranishme në protestat e dhunshme që po zhvillohen prej 3 ditësh në Tiranë, është dëmtuar në kokë.

Dyshohet se ajo u dëmtua pasi një bombol e hedhur nga Policia për përhapjen e gazit lotsjellës i ra në kokë.

 Për shkak të gjakderdhjes së madhe, ajo u transportua me urgjencë në spital për marrjen e ndihmës mjekësore.

Ende nuk ka informacione të sakta mbi rrethanat e dëmtimit të saj, por kujtojmë se protestuesit kanë hedhur sasi të mëdha gurësh dhe sendesh të forta në drejtim të institucioneve, bankave, bizneseve private dhe forcave të policisë.