Vetëvrasja e oficerit / Balla “zihet” ngushtë: Policia, e detyruar të zbatojë një vendim gjykate

Ministri i Brendshëm, Taulant Balla ka thyer heshtjen dhe ka reaguar për vetëvrasjen e oficerit të policisë në Durrës.

I zënë “ngushtë” nga pyetjet e gazetarëve, Balla është shprehur se Arben Pjeçi nuk iu dha mundësinë që të merrnin në konsideratë një ankesë të tij pas aktit që ndërmori.

Ai tha se Policia e Shteti ka qenë e detyruar të zbatojë një vendim gjykate në lidhje me rastin e Arben Pjeçit.

“Jo vetëm që kam një koment, më shumë se kaq, kam një ngushëllim për familjen. Prej atij momenti të parë, bashkë me Drejtorin e Përgjithshëm, kemi bërë të gjitha verifikimet tona, edhe si koleg, por edhe si qytetar, se kush janë shkaqet që e kanë çuar në atë vendim. Të them të drejtën nuk na dha mundësinë që ta merrnim në konsideratë një ankesë prej tij, qoftë për faktin që Policia e Shtetit ka qenë e detyruar të zbatojë një vendim gjykate.

Ju e dini që kjo është një çështje që brenda nesh ka disa verifikime. Drejtori i Përgjithshëm i Policisë po bën verifikimet e veta, AMP po bën verifikimet e veta”, tha Balla.