U pyet për dhunën e Nallbatit ndaj shoferit të kamionit, Berisha bën lëvizjen e papritur

Teksa u paraqit në SPAK për të zbatuar masën e “detyrimit për paraqitje” në kuadër të hetimeve për aferën “Partizani”, kreu i Partisë Demokratike, Sali Berisha, shfrytëzoi rastin për të sulmuar drejtësinë e re, duke e cilësuar atë të politizuar dhe nën ndikimin e qeverisë.

Por kur u pyet nga gazetarët për incidentin e kandidatit të tij për bashkinë e Korçës, Bledjon Nallbati, i cili u filmua duke goditur një shofer kamioni, Berisha shmangu përgjigjen, duke thënë se “duhej të shkonte në miting”.

Një ditë më parë, ndonëse Nallbati nuk u ndalua nga policia, pamjet e publikuara tregojnë momentin kur ai godet me grusht drejtuesin e mjetit pas një debati. Kandidati i PD-së më pas akuzoi uniformat blu për veprim “me urdhër politik”, duke e konsideruar rastin si sulm ndaj fushatës së tij.