U përjashtuan nga Kuvendi, shqyrtohet sot ankimi i demokratëve, kërkojnë mbledhje me prezencë të kamerave

Byroja e Kuvendit mblidhet sot për shqyrtimin e ankimit të deputetëve të Partisë Demokratike, të cilët u përjashtuan nga salla më 18 dhjetor.

Përmes një kërkese drejtuar kryeparlamentarit Niko Peleshi, grupi Parlamentar i Partisë Demokratike kërkon që mbledhja të jetë e hapur.

“Në cilësinë e anëtarit të Byrosë së Kuvendit, në kuadër të transparencës dhe interesit të opinionit publik, si dhe ndjeshmërisë së çështjeve për diskutim, kërkoj që mbledhja e sotme e Byrosë së Kuvendit, në orën 11:00, të zhvillohet me praninë e mediave dhe gazetarëve”-thuhet në kërkesë.

Kjo kërkesë vjen në një kohë kur çështjet e diskutimit janë të ndjeshme dhe ndikojnë drejtpërdrejt në transparencën e procesit parlamentar.