SPAK zgjat me 3 muaj hetimet ndaj kryebashkiakut të Shkodrës Benet Beci

SPAK ka vendosur të zgjatë me tre muaj hetimet për kryetarin e Bashkisë Shkodër, Benet Beci. Ai po hetohet për “shkelje të barazisë në tendera” së bashku me shtatë persona të tjerë.

Hetimi lidhet me dyshime për parregullsi në prokurimet publike. Beci nuk ka dhënë ende një reagim publik për zgjerimin e hetimeve, por më parë ka deklaruar se “do të flasë në momentin e duhur”.

Para se të bëhej kryebashkiak në maj 2023, Beci ka punuar 13 vite në Fondin Shqiptar të Zhvillimit dhe ka pasur rol drejtues në Korporatën Elektroenergjitike Shqiptare.