SHBA e shpalli non grata, kandidati i PD për kryetar: Berisha është institucion

Kandidati Fatbardh Kadilli shprehet se nuk ndien rivalitet në garën për kreun e Partisë Demokratike, ndersa Sali Berishen e cileson institucion.

Sipas tij, kandidatët nuk ofrojnë asnjë ide dhe program të ri, por gjëra të konsumuara.

“Nuk kam asnjë rival as Bashën e as të tjetër, asgjë nuk propozojnë të re, janë të konsumuara dhe të dëgjuara, propozimi i ri është ky manifest politik i imi për një PD të hapur dhe fituese…”

I pyetur nëse do ta përjashtonte zotin Berisha nga grupi parlamentar i Partisë Demokratike, nëse bëhet kryetar i partisë, Kadilli tha se ish-kryeministri është institucion më vete.

“Berisha është institucion. Nuk është një deputet i thjeshtë. Ai vendos vetë. Është institucion më vete.

Vendos vetë për marrëdhënien e shëndetshme me institucionin dhe më pas e vendos po vetë distancën.”