Robert Ndrenika përfshihet në fushatë, bën spotin e PS: Teatri po ngrihet më i mirë se c`ka qenë

Kryeministri Edi Rama, ka publikuar një spot me protagonist aktorin e njohur Robert Ndrenika.

Ndrenika në Teatrin Kombëtar të Operës dhe Baletit, flet për sfidat e qeverisë Rama si pandemia nderkohe qe permend edhe Teatrin Kombëtar për të cilin thotë se do të ngrihet aty ku ishte shumë herë më funksional dhe më i bukur.

“Teatri ishte një vend që gjallëronte. Teatri ishte pasioni ynë. Teatri ishte shtëpia ime, shtëpia juaj dhe e të gjitha familjeve tona. Por, tani boshatisja e tij tregon vuajtjet tona në këto që shfaqet janë ndaluar.

E di që këtu do të shohim përsëri shfaqe. Jo vetëm këtu por edhe në Taetrin e ri Kombëtar që do të ngrihet aty ku ishte, por shumë herë më funksional dhe më i bukur nga sa ishte. Ne jemi vetëm në gjysmën e rrugëtimit tonë. Vështirësitë që kaluam nuk na thyen dot, përkundrazi na sollën pranë njëri-tjetrit.

Akti ynë i dytë s’ka ardhur ende. E ardhmja jonë është plot shpresë. Akti i dytë është vizioni i i një Shqipërie më të mirë, me ekonomi më të mirë, paga më të larta, një jetë më të mirë për të gjithë ne. Është koha që punët e nisura t’i shpiem deri në fund. Nuk ka kohë për pushim Shqipëria është e ardhmja jonë”, thotë Ndrenika.

Aktori i njohur Robert Ndrenika eshte shprehur fillimisht kundër prishjes së godinës së Teatrit Kombëtar, ndërsa më pas qëndrimi i tij ndryshoi.