Asnjë gjurmë e rojes 29 orë pas zjarrit në magazinën e Casa Italia në Tiranë

Prej pasdites së djeshme, vijon të mos gjendet asnjë shenjë e përgjegjësit të sigurimit Arjan Sala, 33 vjeç, i cili ka qenë në krye të detyrës në momentin kur magazina e qendres tregtare Casa Italia në kryeqytet u përfshi nga flakët.

Ushtria ka dërguar dy grupe të specializuara për ndërhyrje. Por, pavarësisht kërkimeve, nuk ka ende asnjë shenjë nga Sala.

Familjarët e 33-vjeçarit pretendojnë se forcat zjarrfikëse nuk kanë bërë sa duhet për të gjetur trupin e të afërmit të tyre.

Zjarri ka rënë në momentin që po shkarkohej një kamion me rroba, ku Arjan Sala ndërhyri për të shuar flakët, por fatkeqësisht mbeti brenda dhe u bllokua si pasojë e flakëve dhe tymit.