"Pronarët e lokaleve janë tutorët tuaj"/ Ultimatumi i Ramës, shkarkohet shefi i komisariatit në Sarandë

Një ditë pas mbledhjes së kryeministrit, Edi Rama me përfaqësues dhe drejtues të Policisë së Shtetit, ku vuri në dukje probleme me korrupsionion, vjen dhe lëvizja e parë nga kreu i Policisë së Shtetit, Ardi Veliu.

Drejtori i policisë së shtetit Ardi Veliu ka shkarkuar nga detyra shefin e komisariatit të Sarandës Syrja Bello, ndërsa pasuesi i tij në këtë detyrë nga Klodian Kondi.

Kjo lëvizje vjen pasi, Rama u dha 100 ditë kohë drejtuesve të policisë në 12 qarqe, për spastrimin nga radhët e uniformave blu elemetët e korruptuar apo të lidhur me krimin.

Rama u ndal edhe tek ngjarjet e rënda të ndodhura në zonat bregdetare, në Velipojë dhe Sarandë, ku pati përplasje me armë zjarri dhe viktima pas orës së ndalim qarkullimit, duke i cilësuar pronarët e lokaleve si tutorët e policisë.

"Këta janë tutorët e policisë së shtetit në ato territore. Këta janë korruptuesit e policisë së shtetit. Këta janë abuzuesit më të mëdhenj me uniformën e Policisë së Shtetit që tërheqin për hunde policisë, shefa komisariatesh duke i kthyer në roje të aktivitetet të tyre të paligjshëm.

Rasti i Sarandës ishte alarmant. Ai rast duhet të çonte në ndëshkimin penal të gjithë zinxhirit të komandës në Sarandë, jo në hetimet administrative e masa ordinere. Por përjashtimi ndëshkimi penal të personave përgjegjës. Nuk mundëm të ndahemi nga opinioni publik kur Policia e Shtetit, e Sarandës lejon një arenë zhurme, ahengu, shëmtie pas mesnatës që mbaron me plumba“, tha Rama./LajmiFundit