Vrasja makabre e presidentit të Haitit, 2 amerikanë në mesin e autorëve, publikohet identiteti i tyre (Foto)

Dy nga autorët e vrasjes se presidentit Jovenel Moïse, janë edhe dy amerikanë.

James Solages dhe Joseph Vincent, të dy shtetas amerikanë, por me origjinë nga Haiti, sipas policisë, ishin pjesë e krimit makabër, ku mbeti i vdekur presidenti dhe u plagos rëndë bashkëshortja e tij.

Mësohet se Solanges është president i një organizate bamirësie në Florida dhe pretendon se ka qenë truprojë në ambasadën kanadeze në Haiti.

Ndërsa Vincent jeton gjithashtu në Florida. Të dy kanë lindur në Haiti por kanë fituar nënshtetësi amerikane.

Policia publikoi pamje për të treguar edhe armatimin e rëndë që kishte arritur t’u sekuestronte grupit të mercenarëve.

Përveç të arrestuarve, policia thotë se ka arritur të vrasë 3 persona, ndërsa 8 të tjerë janë ende në arrati. Më parë, shefi i policisë, Léon Charles, kishte thënë se ishin ekzekutuar 7 atentatorë.