Primaret e PD-së/ Përfundon numërimi i votave, ja çfarë zgjedhje bënë demokratët!

Ka përfunduar në orët e para të mëngjesit të kësaj të diele numërimi i votave në qytetet e vendin tonë. Nga 37 kandidatët që garuan në qarkun e Durrësit vetëm 13 prej tyre arritën të kalojnë garën.

Në Qarkun e Kukësit morën pjesë 2640 anëtarë dhe fitues i primareve u shpall mjeku Hasjan Shkëlzen Ibra me 707 vota. Ndërsa i dyti në listë u shpall ish drejtori i gjendjes civile në Kukës, Shkëlqim Shehu me 430 vota.

Rezultati i votimit të demokratëve për Primaret e Partisë Demokratike në Dibër ka përfunduar dhe në krye rezulton  Ilir Krosi me 578 vota. Rezultate paraprake primare në qarkun e Elbasanit, teksa ende 3 bashki janë me vota të pa u numëruara. Tre kryesojnë; 351 Ilirian Alliu, 164 Dash Sula dhe 171 Lefter Gështenja.

Në Qarkun Korçë kryeson Bledion Nallbati me mbi 1 mijë vota. Në primaret për qarkun Gjirokastër, kandidati më i votuar ka qenë Alma Buci Kore pas saj, renditet Mareklent Dervishi me 368 vota, ndërsa në vendin e tretë është Arben Ristani. Fitues në rang qarku në Lezhë ka rezultuar Gjin Gjoni, i ndjekur nga ish-kreu i PD-së në Mirditë, Aleksandër Lala dhe deputetja Elda Hoti.

Pas procesit të primareve emrat më të votuar do të shqyrtohen nga kryesia e Partisë Demokratike të Shqipërisë, e cila do të nxjerrë edhe listen e kandidateve për deputet