Vidhnin para dhe sende me vlerë, arrestohen 3 "skifterët" në Gramsh! Çfarë iu sekuestrua!

Tre persona janë arrestuar në Gramsh pasi në bashkëpunim me njëri-tjetrin vidhnin shuma parash dhe sende me vlerë.

Në pranga kanë rënë shtetasit me iniciale S.M., 23-vjeç; K.M.,23-vjeç dhe L.M., 22-vjeç.

"Finalizohet nga Komisariati i Policisë Gramsh, operacioni policor i koduar “THREE”. Në bashkëpunim me njëri-tjetrin, vodhën një shumë parash dhe sende me vlerë në dy banesa, vihen në pranga 3 shtetas. Sekuestrohen sendet e vjedhura. Shërbimet e Komisariatit të Policisë Gramsh, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan me sukses operacionin policor të koduar “THREE”. 

Si rezultat i të cilit, u vunë në pranga shtetasit:

S. M., 23 vjeç, i dënuar më parë për vjedhje, L. M., 22 vjeç (vëllezër), dhe K. M., 23 vjeç (i afërm i dy vëllezërve), për veprën penale "Vjedhja", kryer në bashkëpunim.

Nga veprimet hetimore dyshohet se, në bashkëpunim me njëri-tjetrin, këta 3 shtetas, më datë 20.02.2025 dhe 28.02.2025, kanë vjedhur një shumë parash dhe sende të ndryshme me vlerë në banesat e shtetaseve Sh. B. dhe V. H. Në cilësinë e provës materiale u gjetën dhe sekuestruan sendet e vjedhura. Vijon puna për dokumentimin e vjedhjeve të tjera që dyshohet se janë kryer nga këta shtetas në vende të ndryshme.

Materialet procedurale i kaluan Prokurorisë për veprime të mëtejshme", njofton policia.