Negociatat' brenda koalicionit "Shqipëria Madhështore"! Nga Meta, tek Duka e Mediu, ja ndarja që u ka bërë Berisha në lista për 11 majin!

Partia e Lirisë ka propozuar te selia blu, emrin e Metës në listën e sigurt të qarkut të dytë më të madh në vend.

Edhe pse ndodhet në burg, Ilir Meta pritet të marrë pjesë në zgjedhjet e 11 majit, në koalicioni ne përbashkët me Sali Berishën. Teksa më herët, ish-kryeministri Berisha deklaroi se Meta do të kishte një vend në listat e sigurta të kandidatëve, duket se ky vendi i rezervuar është në Fier. Mësohet se Partia e Lirisë ka propozuar te selia blu, emrin e Metës në listën e sigurt të qarkut të dytë më të madh në vend, pas Tiranës, sipas Shqip. Berisha duket i kënaqur me këtë zgjidhje, duke dhënë garancinë se aleati i tij do të jetë sërish deputet.

Meta do të ketë shok dhe drejtues liste Gazment Bardhin, teksa dy personat më afër tij, Tedi Blushi e Erisa Xhixho janë propozuar në Tiranë, kurse Edmond Haxhinasto i kthehet kandidimit në Elbasan.

Agron Duka i PAA ka caktuar Artan Lukun për listën e sigurt të Durrësit, kurse Fatmir Mediut i mbetet Tirana.