“Militantët qenkan fyer nga tikitaka ime me Lul euroatlantikun”, Rama i përgjigjet PD për ‘disset’ me Bashën: Do qani prapë me 11 maj

Politikë

“Militantët qenkan fyer nga tikitaka ime me Lul

Ndërsa prej ditësh vijojnë deklarata dhe ironitë ‘ping-pong’ mes Edi Ramës dhe Lulzim Bashës në rrjetet sociale, kryeministri ka bërë një tjetër reagim këtë të shtunë.

Rama thotë se stafi i tij që merret me rrjetet sociale e ka informuar se militantët demokratë janë fyer nga kjo mënyrë komunikimi që ai ka zgjedhur të bëjë me ish-kryetrarin e PD, por kreu i PS iu drejtohet duke iu thënë se mirë është që të mos qajnë hallin e Lulzim Bashës, por “të kënetës dhe bufit” pasi i pret një tjetër humbje.

Rama u ka bërë thirrje demokratëve që të bashkohen me PS dhe të votojnë numrin 5 më 11 maj, që të “mos qajnë sërish”, pasi sipas tij, Partia Socialiste do të fitojë mandatin e katërt.

“Ore ç’ar bëhet kështu, më thonë këta të stafit tim që merren me rrjetet sociale, janë fyer shumë militantët e kënetës nga tikitaka ime me Lul euroatlantikun, thonë u vika turp se nuk bën udhëheqësi kështu… po kur dëgjoni bufin që merr rrugët me libër shpie për të tjerët, ju vjen ndopak turp apo hiç? Se këneta kështu e ka? Ca të tjerë shkruakan se s’pakemi program dhe përdor Lulin për të larguar vëmendjen, e thotë bufi këtë. Ne e kemi programin jo elektoral, por qeverisës, fushë për fushë, kur të vijë dita e planifikuar do ndajmë edhe me ju demokratët piketat kryesore, duroni dhe pak ditë”, thotë Rama.

“Dhe Lulin punë pune e kam unë deri në 11 maj, pastaj ka gjumin e verës ai, kështu që mos qani hallin e programit për ato 5 minuta që harxhoj unë me Lulin, por qani hallin tuaj. Ju harxhuat 8 vjet me Lulin, e mbajtët kryetar, pastaj përfunduat te bufi prapë kur iu tha që për një muaj do ju kthej në pushtet se e ka fajin Luli. Po tani Luli e ka prapë fajin? Të paktën qeshni pak për ato 5 minuta, se ngelët duke qarë nga humbja në humbje. Ndaj hidhuni këtej, siç po bëjnë shumë, braktiseni kënetën dhe bëhuni me mua”, vijoi Rama më tej.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion