Kosova në Këshillin e Evropës, Basha: Serbia kreu sulm paraushtarak në veri, skenar si i Krimesë

Lulzim Basha një nga 4 përfaqësuesit e Shqipërisë në Parlamentin Eurtopian ku po diskutohet diskutohet kërkesa e Kosovës për anëtarësim, ka mbajtur fjalën dhe bën thirrje për votimin pro anëtarësimit.

Basha në fjalën e tij falenderon Dora Bakoyannis e cila ka paraqitur raportin dhe ka bërë të mundur atë që Kosova e kërkon prej më shumë se 8 vite.

“Vendimi që do marrim sot mund të duket kompleks, por është ndër më të thjeshtët që mund të marrim.

Kosova gëzon disa nga përfitimiet nga Këshilli Europian, gëzon ekspertizën e Komisionit të Venecias, të ekipeve të kolegëve tanë. Të vëzhguesve europianë, por sërish nuk gëzon të gjitha përfitimet siç është mbrojtja nga Konventa Europiane e Të drejtave të Njeriut për qytetarët e saj dhe për minoritete. Çeshtja është a do të lejojmë qytetarët e Kosovës t’i bashkohen këtyre përfitimeve apo jo.

Falenderojmë Dora Bakoyannis, jo vetëm për mbështetjen e saj për minoritetin e Kosovës, por edhe sepse bëri realitet diçka që Kosova e kërkon prej më shumë se 8 vitesh.

Në shtetor të vitit të kaluar një skenar i ngjashëm me atë të Krimes u krijua në veri të Kosovës. Nuk ishte një rast i izoluar, por ishte një sulm paraushtarak për të zhvatur territor dhe për ta kthyer veriun e Kosovës në një rajon të aneksuar njësoj si në rastin e Krimesë. Ne duhet të luftojmë, prandaj është me rëndësi dhe duhet që anëtarësimi i Kosovës në KiE duhet të mbrojë vlerat për të cilat ne luftojmë. Shumë duhet të bëhet nga Kosova dhe të gjtiha vendet tona.”