Sherr masiv në duelin e kampionatit U-21 mes Erzenit dhe Partizanit, reagon policia

Policia e Shtetit, ka njoftuar se dy lojtarë të Partizanit U-21, janë lënduar, pas sherrit në fund të takimit ndaj Erzenit dhe janë shtruar në spital, për të marrë ndihmën e mjekësve.

Gjithashtu, bëhet e ditur, se Policia nuk ishte njoftuar nga organizatorët, për këtë ndeshje në stadiumin “Tofik Jashari” në Shijak.

NJOFTIMI I POLICISË

Shijak / Rreth orës 14:00, në fushën sportive “Tofik Jashari”, është zhvilluar ndeshja e futbollit ndërmjet ekipeve të kategorisë U-21, Erzeni-Partizani.

Organizatorët e ndeshjes nuk kanë njoftuar Policinë për këtë aktivitet.

Në përfundim të ndeshjes, janë konfliktuar fizikisht lojtarët e 2 ekipeve. Si pasojë, janë dëmtuar 2 lojtarë të ekipit Partizani, të cilët janë në kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave të ngjarjes.