Kërkon lirinë me kusht, sot seanca për Belerin në Gjykatën e Fierit

Në Gjykatën e Fierit po zhvillohet seanca gjyqësore për eurodeputetin e partisë "Demokracisë së Re", të Kyriakos Mitsotakis, Fredi Beleri, i cili kërkoi liri me kusht. 

Seanca e 23 korrikut u shty për shkak se drejtoria e burgut të Fierit nuk paraqiti raportin e vlerësimit, duke qenë se mungonte dëshmia e penalitetit. 

Kujtojmë se Fredi Beleri u arrestua më 12 maj të vitit të kaluar, 2023, dy ditë para zgjedhjeve lokale, pasi u kap në flagrancë duke premtuar dhe dhënë para për të blerë vota.

Prokuroria dhe Policia e Vlorës e ndoqën rastin metoda speciale hetimi, duke përdorur agjentë të infiltruar, i cili për tetë vota mori 400 mijë lekë të vjetra. Beleri dhe bashkëpunëtori i tij, Pandeli Kokaveshi u arrestuan në kushtet e flagrancës.

Pavarësisht se ndodhej në qeli Beleri arriti që të siguronte më shumë vota se kandidati i socialistëve, Jorgo Goro. Por, pavarësisht mandatimin nga KQZ Beleri nuk arriti që të betohej. Ndërkohë, me vendimin e Gjykata e Apelit Belerit i janë shuar të gjitha shpresat për tu betuar si kryebashkiaku i himariotëve. Kësisoj Komisioni Qendror i Zgjedhjeve shpalli zgjedhje të reja për Bashkinë e Himarës.