Gara për kryetarin e AMA-s, Basha: Rama kundër BE-së dhe OSBE-së

\Kreu i Partisë Demokratike, Lulzim Basha ka reaguar për zgjedhjen e kryetarit të AMA-s.

Sipas Bashës kryeministri Edi Rama po hedh poshtë kërkesat e BE-së dhe OSBE-së për të shtyrë votimin në shtator, duke shtuar se kjo është në dëm të gjithë shqiptarëve.

Në garë për kreun e AMA-s janë Alketa Dibra dhe Armela Krasniqi, mes akuzave të opozitës se qeveria Rama po favorizon kandidaturën e kësaj të fundit.

“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë”, thotë Basha.