Exit Poll i Baton Haxhiut, PS merr 79 mandate! PD 54 deputetë, Tom Doshi 3, Shehaj 2, Qori 1, Basha 1

Exit Poll i publikuar nga Baton Haxhiu, rreth nje ore pas mbylljes se votimeve, flasin për një fitore të thellë të Partisë Socialiste në zgjedhjet e mbajtura ditën e sotme në Shqipëri.

Nga exit poll në rang kombëtar rezulton se socialistët kanë marrë 79 mandate, ose pesë më shumë se katër vjet më parë.

Demokratët e Sali Berishës rezultojnë me 54 mandate me 38% të votave në rang vendi.

Nga ana tjetër PSD-ja e Tom Doshit mund të marrë tre mandate, ku dy i ka në Shkodër dhe një në Tiranë me 2.2% të votave në rang vendi.

Partia Mundësia e Agron Shehaj merr 3.6% të votave në rang kombëtar, por arrin të marrë vetëm 2 mandate, për shkak të shpërndarjes së gjerë të votave në gjithë Shqipërinë dhe përqendrimit vetëm në qarkun e Tiranës.

Në 1 mandat është Lëvizja Bashkë e Arlind Qorit, në qarkun e Tiranës, por që Qorin do ta shihte vetë jashtë Parlamentit.

Një mandat mund të marrë edhe Lulzim Basha në Tiranë, ndërkohë që Adriatik Lapaj dhe koalicioni i tij rezultojnë pa asnjë mandat.

Rezultatet e exit-poll

PS 79 mandate

PD 54 mandate

PSD 3 mandate

Mundësia 2 mandate

Lëvizja Bashkë 1 mandat

KEA (Partia e Bashës) 1 mandat

Nisma Shqipëria Bëhet 0 mandate