Dibranët mirëpresin ambasadoren amerikane, Yuri Kim: Më ftuan për kafe, do kthehem sërish

Ambasadorja e Amerikës në Tiranë, Yuri Kim ka vizituar qytetin e Peshkopisë.

Yuri Kim e shoqëruar nga diplomatja suedeze, Elsa Hastad, ka pranuar ftesën e të moshuarve për të pirë kafe.

Ambasadorja shprehet se Dibra ka potencial turistik dhe se shpreson që të rikthehet sërish për ta vizituar.

“Në vizitën time të parë në Peshkopi, Dibrën e bukur. Ne vizituam qendrën turistike lokale që u zhvillua me mbështetjen e @usaid & @sidasweden.

Ne gjithashtu takuam shumë qytetarë miqësorë gjatë shëtitjes sonë në bulevardin kryesor, përfshirë disa zotërinj që na ftuan për kafe.

Faleminderit Ethem Muda, Shukri Konesha, Nuri Sallahu & Xhemal Jashari për kafen & bisedën. Ne pajtohemi 100% që Dibra ka potencial të madh që duhet zhvilluar më shumë. Shpresoj të vizitoj përsëri së shpejti” shkruan Kim.