David Lega: Të forcohet lufta kundër krimit, bandat shqiptare tregti kokaine në disa shtete

Reporteri për Shqipërinë në Bashkimin Europian, David Lega, ka komentuar raportin e Europol për drogën në Europë, duke shprehur shqetësimin për bandat ballkanike që operojnë në trafikun e lëndëve narkotike.

Në një postim në Twitter ai shkruan se grupe të Ballkanit, operojnë në vende si Britania e Madhe, Austria, Zvicra, Greqia dhe Belgjika, dhe sipas tij bandat shqiptare kanë qenë aktive. Eurodeputeti kërkon që Shqipëria të forcojë më tej luftën kundër krimit të organizuar.

“Disa burime vërtetojnë rolin e zgjeruar e grupeve të Ballkanit në tregtinë ndërkombëtare të kokainës dhe autoriteteve nga Britania e Madhe, Austria, Zvicra, Greqia dhe Belgjika dhe grupet e identifikuara shqiptare qenë veçanërisht aktive. #Shqipëria duhet të forcojë më tej luftën kundër krimit të organizuar!” shkruan ai.