Berisha denoncon dhe tallet me Edi Ramën: Një patronazhist voton për 6 qytetarë (Foto)

Ish- kryeministri Sali Berisha ka publikuar në Facebook-un e tij një foto-meme, e montuar me fytyrën e kryeministrit Edi Rama. Ambienti është në qendër votimi, ku të pranishmit, mbajnë fytyrat e zyrtarëve të PS, përfshirë edhe Erion Veliajn.

“Një patronazhist voton për 6 qytetarë. Këtij i thonë votim”, shkruan Sali Berisha, ndërsa në foton e publikuar, shkruhet: “Kutitë e hapura- Në Berat, 19 persona dhanë shenjën e gishtit për 53 votues, në Gjirokastër 12 persona e dhanë për 70 votues”

Që prej përfundimit të zgjedhjeve, ku fitues doli për herë të tretë Edi Rama, ish- kryeministri Sali Berisha vijon me sulmet kundrejt të kreut të qeverisë, duke e akuzuar se ka vjedhur vota.