Maji vijon me kthjellime dhe vranësira, ja parashikimi i motit për ditën e sotme

Moti në vendin tonë ditën e sotme sipas MeteoAlb do ketë kthjellime dhe vranësirave kalimtare, ku më të shpeshta vranësirat do jenë pjesërisht në zonat e ulëta dhe kryesisht ato malore duke krijuar mundësinë për shira të papërfillshëm në zonat veriperëndimore dhe skajin Verior.

Në pjesën e dytë të ditës do largohen vranësirat nga i gjithë territori duke bërë që kthjellimet të jenë mbizotëruese. Temperaturat e ajrit ngrihen lehtë në mëngjes por mbeten të pandryshuara në mesditë duke luhatur vlerat ekstremale ditore nga 7°C deri në 28°C. Era do fryjë mesatare dhe herë pas herë forcohet në det me shpejtësi 40 km/h nga drejtimi Jugor-Jugperëndimor duke gjeneruar në det dallgëzim 4 ballë.