Berisha braktis Kuvendin: Ndërhyrje anti-ligjore e Felajt, do ja plasja në fytyrë Ramës

Ish-kryeministri Sali Berisha ka braktisur Kuvendi pasi nuk i është dhënë fjala për të replikuar me kryeministrin Edi Rama. Në dalje të parlamentit Berisha e cilësoi këtë një ndërhyrje të nënkryetares së parlamentit Ermonela Felajt.

Berisha: Do të denoncoja aktin e shëmtuar të Edi Ramës ndaj gazetares. Dënimin brutal, absurd që ai bëri me 60 ditë burg informativ. I kërkoi gazetares burg informativ për 60 ditë për faktin e vetëm se e pyeti se si ndjehet që po krijohet një grup parlamentar në burg.  U bëj thirrje deputeteve që të miratohet një rezolute për të dënuar këtë akt mizogjinik dhe anadollak të Edi Ramës që ka sjellje të papranueshme ndaj vajzave, zonja e zonjushave të cilat kryejnë detyrën. Felaj nuk pranoi të më jepte fjalën, atëherë vendosa të dal para jush për të dënuar aktin e shëmtuar të Edi Ramës. Sa do ia përplasja të gjitha në fytyrë, ia mbathi. Dërdëlliti 2 orë e sa, dublikoi interpelancën e ministres sepse Hila me fakte e hodhi poshtë. Do ta demaskoja para publikut, ndaj dhe unë dola për të shfrytëzuar fjalën. Të futet në rendin e ditës për miratimin e një rezolute.Propozimi im do të jetë ti pres biletën kësaj qeverie.

“Tabaku foli sipas listës. Ishte ndërhyrje antiligjore e zonjës Felaj pasi e kuptoi që unë po dilja t’ja përplasja Ramës të gjitha në fytyrë dhe ai u largua dhe ia mbathi. Pasi dërdëlliti një orë e ca, dublikoi interpelancën e ministres sepse Hila e zoti me fakte poshtë atë. Ky foli gjysmë ore për këtë, dhe për Putinizma. Zonja Felaj s’më dha fjalën ndaj unë dola para jush për të shfrytëzuar fjalën”.