Basha pritet me protesta në Durrës: Tradhtar, tradhtar...! Ndërhyn policia
Lulzim Basha është pritur nga një grup protestuesish në Durrës këtë të shtunë, ndërsa ka planifikuar një takim me demokratët.
Mbështetësit e ish-kryeministrit Sali Berisha u tubuan me pankarta e thirrje ” Basha ik”, ndërsa disa prej tyre janë përplasur me grupin që mbështet kreun e PD-së.
Është dashur ndërhyrja e policisë që konflikti mos të përshkallëzohej më tej. Basha ka mbërritur për të takuar anëtarësinë dhe simpatizantët e PD-së në këtë qytet.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Ne kete proteste eshte konstatuar prania e forcave të shumta policore ka mbajtur nën kontroll situatën.
Mbështetësit e Berishës i janë referuar Bashës si tradhtar dhe i kanë bërë thirrje të pranojë rezultatin e votës së lirë të demokratëve.
Protesta u zhvillua në sheshin kryesor të Durrësit, para teatrit ”Aleksandër Moisiu” ku aktualisht po mbahet takimi i Bashës me mbështetësit, ndërkohë protestuesit vijojnë të qëndrojnë në shesh.