Policia zmbraps të rinjtë, shpërndahen protestuesit, një pjesë drejt ish-Bllokut

Vijon protesta në Tiranë, ku, pas përplasjes disa minuta më parë, forca të shumta policie, bote me ujë dhe furgona policie me sirena të ndezura po i zmbrapsin protestuesit duke i shpërndarë. Është e njëjta skemë që policia ka përdorur edhe ditët e kaluara.

Një pjesë e protestuesve ndodhen në rrugën “Myslym Shyri”, ndërsa një pjesë e tyre po lëvizin drejt zonës së ish-Bllokut.

Nuk dihet ende nëse protestuesit do të drejtohen drejt institucioneve, si Kryeministria, Ministria e Infrastrukturës apo selitë e partive politike.