Trafik armësh dhe falsifikim dokumentash, arrestohen 12 persona në Kosovë

Të paktën 12 persona janë arrestuar në Kosovë, pas një aksioni policor, lidhur me parandalimin e trafikimit me armë dhe veprimtari të tjera kriminale. Mësohet se personat janë prangosur një ditë më paë, pasi falsifikonin dokumente për të mundësuar emigrimin e paligjshëm kundrejt përfitimeve të shumave të mëdha.

Mediat kosovare shkruajnë se arrestimi ka ndodhur në Prishtinë, ku janë gjetur, pasaporta, karta ID, patenta, karta shëndeti, e mjetë të tjera identifikuese.
 “Në të dy këto operacione janë gjetur laboratorë të pajisur me aparatura dhe  materiale për prodhimin e dokumenteve të ndryshme të falsifikuara si pasaporta, patentë shoferi, kartela identifikimi të gjitha këto nga më shumë 16 shtete të ndryshme të BE-së. 12 persona janë arrestuar dhe të tjerët në paraburgim. Hetimet janë kryer në bashkëpunim me Europol-in, Shqipërinë dhe me disa shtete të BE-së. Janë sekuestruar aparatura materiale, dokumentet. Të gjitha këto prova materiale do të shkojnë për ekzaminim”, njoftoi policia.