51-vjeçari tentoi të vrasë vjehrrën e tij të infektuar me Covid-19, ja çfarë ndodhi me të moshuarën

Një atentat i  rëndë është raportuar nga Antalia, ku mësohet se një 51-vjeçar ka tentuar të vrasë vjehrrën e tij 83-vjeçare, pasi ajo ishte e infektuar me Covid-19. Ngjarja e rëndë ka ndodhur në një spital në Antalia, ku sipas mediave, 51-vjeçari temtoi ta mbyste dy herë me jastëk, pasi kishte frikë se do t’i ngjiste virusin.

Mediat shkruajnë se ngjarjen e pa mjeku, i cili largoi dhëndrin nga dhoma dhe raportoi situatën në sigurinë e spitalit. Hasan B. hyri përsëri në dhomë para se të vinte roja i sigurisë, mbuloi një çarçaf fytyrën e vjehrrës së tij dhe vuri një jastëk në gojë dhe hundë.

51-vjeçari u largua nga spitali, por  një ditë më vonë u kap dhe u ndalua në shtëpinë e tij, i cili përfundoi në burg. Mësohet se ndaj tij u ngrit akuza e “tentim me dashje për të vrarë një person që nuk është në gjendje të mbrojë veten”. Prokuroria kërkoi 20 vjet burg, por në dëshminë e tij ai tha se kishte shumë frikë se edhe ai do të infektohej pasi vjehrra po kollitej shumë dhe se çarçafin ia kishte vënë për të ndaluar përhapjen e virusit përmes kollës, jo për ta vrarë.

Në fund gjykata vendosi ta lërë të lirë të pandehurin, pa të drejtë për të udhëtuar jashtë shtetit, pasi edhe gruaja e tij (vajza e 83-vjeçares) e mbrojti duke thënë se është kujdesur për nënën e saj për 15 vite. Nga ana tjetër, vjehrra e 51-vjeçarit pas disa kohësh vdiq në spitalin e Covid-19 për shkak të koronavirusit.