Eksperimenti i fundit e konfirmon: Vaksina kineze mbron fëmiëjt nga Covid-19

Një eksperiment i bërë së fundmi ka treguar se vaksina kineze Sinovac bën efekt tek fëmijët, për ti mbrojtur nga Covid-19. Mediat e huaja shkruajnë se pjesë në eksperiment kanë marrë 500 fëmijë dhe adoleshentë nga mosha  3 deri 17 vjeç dhe u vu rë se vaksina nxit reagimin imunitar kundër infektimit me Covid-19. Vetëm dy prej fëmijëve të moshës 6 dhe 3 vjeç kishin temperaturë të lartë pas vaksinës.

Fëmijëve u jepen doza të përgjysmuara krahasuar me personat mbi 18 vjeç. Kompania shtetërore kineze tha se nevojiten testime të tjera për një rezultat zyrtar, teksa testet klinike po hyjnë në fazën e tretë. Sinovac ka një efektivitet prej 83.5%, nga 50% që ishte arritur gjatë testeve të mëparshme klinike tek personat mbi 18 vjeç.  Kompania deri më tani ka shpërndarë 160 milionë doza në 16 vende të botës.