Seanca për ish- anëtarët e UÇK, prokuroria speciale kundërshton pretendimet e mbrojtjes

Zbardhet seanca e zhvilluar ditën e sotme në Hagë, për ish-luftëtarët e UÇK, Hashim Thaçi, Kadri Veselin, Rexhep Selimin, dhe Jakup Krasniqin. Mësohet se gjatë seancës së sotme, prokuroria speciale ka kundërshtuar pretendimet e avokatit mbrojtjes të Hashim Thaçt, David Hooper.

Hooper deklaroi se ka hasur vështirësi në mbledhjen e materialeve pasi sipas tij provat nga prokuroria i ka dhënë  pjesë-pjesë, gjë e cila është kundërshtuar nga kjo e fundit. Ndërkohë, prokurorja gjatë fjalës së saj tha se janë duke ndjekur deklaratat e dëshmitarëve. “Aktualisht jemi duke punuar me deklaratat paraprake të dëshmitarëve dhe do të punojmë edhe me provat”, tha ajo.