Ngjarja në Tetovë, dëshmitari: Mendoj mos është e qëllimshme, është hera e dytë që…

Një dëshmitar ka treguar për mediat momentin kur pa se spitali i Covid-19 në Tetovë po digjet, pa ditur gjendjen e personave që ndodheshin brenda. Ai tha se kjo ngjarje e ka shqetësuar, duke aluduar se kjo mund të jetë e qëllimshme, pasi është incidenti i dytë që spitalit i ndodh brenda dy muajsh.

Jam jashtëzakonisht i shqetësuar. Kjo nuk përshkruhet me fjalë dhe mendoj mos është e qëllimshme. Në rast se është e qëllimshme, nuk është e njerëzishme. Se njëherë gypat i prenë për aspiratorët, e tash kjo e dyta…”,u shpreh një tjetër dëshmitar.

Ngjarja e rëndë ndodhi një natë më parë, rreth orës 21:00. Spitali Covid-19 u përfshi nga flakët, duke u shkrumbuar i tëri, e për pasojë kanë ndërruar jetë 14 persona, të gjithë pacientë. Ngjarja dyshohet se ndodhi si pasojë e plasjes së një bombole gazi.