"Dhëmballë e prishur", Berisha për Ramën: Vasal i Vuçiç, desh plasi luftë civile në Mal të Zi, ti ishte autor

Ish-kryeministri Sali Berisha i është përgjigjur ironisë së pasardhësit të tij, Edi Rama, i cili e cilësoi si një dhëmballë të prishur brenda PD-së.

Berisha në "Euronews" tha se Rama është anti shqiptar, vasal i Aleksandër Vuçiç, ndërsa e lidhi dhe me protestat në Mali të Zi kundër ceremonisë së shugurimit të kreut të Kishës Ortodokse në Mal të Zi, Joanikije në qytetin e Cetinjes.

"Edi Rama vjen në Parlament si mënxynë kombëtare. Eshte autor i fatkeqësive të njëpasnjëshme. Ai eshte anti-shqiptar si më i votuar.

Prej 8 vitesh ka grabitur me klanin e tij miliarda e me miliarda. Edi Rama vjen si vasal i pështirosur i Aleksandër Vuçiç, a e patë çfarë ndodhi në Mal të Zi. Ai është një nga autorët. A e patë çfarë ndodhi në Mal të Zi dhe desh plasi luftë civile."- u shpreh Berisha.