Covid-19 në Kosovë, 102 pacientë po trajtohen në spital, 5 pacientë në gjendje të rënduar

Situata e Covid-19 në Kosovë ka ardhur duke u përmirësuar, sa i përket viktimave dhe rasteve të infektimeve. Sipas njoftimit të ShSKUK, janë të paktën 102 persona që po kurohen në spital, 5 prej të cilëve janë në gjendje të rëndë shëndetësore.

“ShSKUK: 102 pacientë në trajtim nga COVID-19. Në klinikat COVID-19, në QKUK dhe spitalet e përgjithshme, po trajtohen 102 pacientë. Prej tyre, 66 me oksigjeno-terapi dhe 5 në mjekimin intensiv, në gjendje të rënduar shëndetësore. Numri i pacientëve sipas klinkave COVID-19 dhe spitaleve të përgjithshme

Klinika Infektive, 23 pacientë; Klinika Infektive II (Mjekësi Sportive) 8 pacientë; Klinika e Pulmologjisë, 19 pacientë post-covid-19; Mjekimi Intensiv në Klinikë Infektive, 3 pacientë; Spitali i Prizrenit, 11 pacientë; Spitali i Gjakovës, 4 pacientë; Spitali i Gjilanit, 11 pacientë; Spitali i Mitrovicës, 9 pacientë; Spitali i Ferizajt, 14 pacientë”, shkruan SHSKUK në facebook.