Covid-19 “gjunjëzon” Kosovën, humbin jetën si pasojë e virusit nënë e bir

Thellohet tragjedia në Kosovë, si pasojë e Covid-19. Mediat vendase shkruajnë se si pasojë e virusit kanë ndërruar jetë nënë e bir. Ngjarja e rëndë ka ndodhur në Rahovec dhe lajmin e bëri me dije kryetari i komunës, Smajl Latifi.  

“Me pikëllim mora lajmin për ndarjen nga jeta të më të dashurve tuaj, Avniut dhe zonjës Zehra. Në këtë moment dhimbjeje e pikëllimi për ndarjen nga jeta të familjarëve tuaj, ju lutem pranoni ngushëllimet e mia më të sinqerta! Bashkëndjejmë me ju!”, shkruan ai në Facebook.

Kryetari nuk ka dhënë detaje në lidhje me vendin ku viktimat e kanë marrë virusin. Ndërkohë, këtë javë, Kosova ka shënuar viktima të shumta si pasojë e Covid-19, të personave të rinj në moshë. Kujtojmë se kanë ndërruar jetë edhe dy gra shtatëzanë.