Kosovë/ U infektua në një aheng familjar, një tjetër e shtatëzanë vdes si pasojë e Covid-19

Një tjetër e re shtatëzanë ka ndërruar jetën në Kosovë, si pasojë e Covid-19. Mediat vendase shkruajnë se viktima, 36-vjeç solli në jetë vajzën më 1 shtator, ndërsa një ditë më pas ndërroi jetë. Sipas mediave, 36-vjeçarja, Vera Shotanaj u infektua me Covid-19 në një aheng familjar, ndërkohë ajo nuk ishte vaksinuar me asnjë dozë.

Bashkëshorti i saj, Jeton Nimani tha se është penduar se nuk e vaksinoi gruan e tij. Ndërkohë, mësohet se foshnja është në gjendje të mirë shëndetësore. Kujtojmë se një ditë më parë ndërroi jetë një tjetër e shtatëzanë në Kosovë, si pasojë e Covid-19.