Bislimi letër Lajçakut, thirrje për heqjen e masave të BE-së ndaj Kosovës

Zëvendëskryeministri i Kosovës, njëherit, Besnik Bislimi ka shkruar një letër për përfaqësuesin e BE-së, Miroslav Lajçak.

Bislimi ka njoftuar në llogarinë zyrtare në rrjetin social “X”, se në letër i ka renditur Lajçakut përpjekjet të cilat thotë se i ka bërë Kosova ndaj kërkesave të tyre për heqjen e masave.

“Një largim i menjëhershëm do të na ndihmonte të mobilizonim përpjekjet për përparimin e përshpejtuar të reformave, të krijonim mjedisin për forcimin e bashkëpunimit rajonal dhe integrimin më të shpejtë të gjashtë vendeve të Ballkanit Perëndimor”, shkruan Bislimi.