FOTO/ Ballist Morina i bën dhuratën e veçantë Erjon Vishkullit: Të paçim si Kastriot tanë jetën!

Erjon Vishkulli ka marrë së fundmi një dhuratë të veçantë nga Ballist Morina i njohur si “ “Heroi i Beogradit”. 

Me anë tê një postimi të ndarë mëngjesin e sotëm në Instagramin e tij, Erjoni zbulon se Morina i ka bërë dhuratë një bluzë me flamurin Autochthonous.

“Për autoktonin Erjon Vishkulli. Të paçim si KASTRIOT tanë jetën!” shkruhet në një letër të vendosur përbri dhuratës së Erjonit.

28-vjeçari ka marrë dhuratën në mesin e ditëve të veçanta të jetës së tij pasi ndërhyrja kirurgjikale e kryer në Itali, e cila u mundësua nga qeveria shqiptare, u krye me sukses. Mjekët italianë arritën t’i shpëtonin syrin e majtë Erjonit, që u plagos me plumb gome në protestën e mbajtur fundjavën që lamë pas.

Ndersa Ballist Morina u bë i njohur për publikun pas dronit të ngritur në stadium gjatë ndeshjes Serbi-Shqipëri në vitin 2014.